一個Ambassador 選舉, 帶出香港迪士尼幾個facebook page 嘅疏離.
香港迪士尼有幾個facebook 官方社交平台帳戶, 米通嘅作用係鮮明嘅 - 佢係對演藝人員嘅內部交流通訊平台, 而作為發佈演藝人員消息嘅平台, 直播Ambassador 選舉同結果亦非常合理.
但Ambassador 除咗係同演藝人員有關之外, 佢亦係代表緊香港迪士尼度假區對外界甚至面向全球嘅重要角色. 香港迪士尼嘅官方account 並唔見到有新任Ambassador 結果嘅任何資訊.
而呢幅圖係嚟自Disney Moments, 但呢一個Post 亦只得中文, 即係新任大使Tony 想分享俾班外藉朋友睇, 恐怕都唔識睇.
其實唔明白開Disney Moments 呢個account 嘅用途, 如果要夾硬諗Disney Moments, 米通同香港迪士尼官方page 嘅分別, 就係官方page 有濃烈嘅商業味, 全部都係同吸引人入場消費有關, 賺唔到錢嘅就唔會post, Disney Moments 係較少商業成份, 而米通係最貼地.
但係比較三個account 嘅followers 人數, 官方page 係127萬followers, Disney Moments 同米通都係各自得萬零人. 係100倍嘅差距.
作為香港迪士尼面向全球嘅重要資訊, 公佈新任度假區親善大使嘅結果, 園方並無選擇喺最多人睇嘅官方平台發佈, 其實.... 諗唔到一個合理嘅原因.
但感覺係三個平台由三個不同嘅團隊經營, 因為改變唔到或唔想改變官方page 嘅營運方針, 所以另起爐灶開一個Disney Moments, 但其實即使兩個平台分別營運, 亦可以互相分享對方嘅post.... 起碼可以吸引到呢過百萬嘅followers 留意到另一個被忽略嘅平台.
各自為政對於整個Resort 並唔係一件好事, 尤其係現時最需要團結嘅時候.
Search